Jambyl oblysynda búginde 18 tomografııalyq apparat jumys istep tur. Jýyrda ǵana Qordaı, Talas aýdandaryna buryn bolmaǵan apparattar qoıyldy. Orta eseppen 1 apparat táýligine 96 naýqasty túsirse, al 14 apparat 1344 adamdy qaraýǵa qaýqarly, dep habarlaıdy Egemen.kz.
Oblystyq densaýlyq saqtaý basqarmasynyń málimetinshe, aldaǵy ýaqytta óńirdegi medısınalyq mekemelerge qosymsha taǵy 4qurylǵy alý josparlanýda. Sondyqtan da halyqqa kompıýterlik tomografııadan ótý úshin endi apta buryn jazylyp, kezek kútýdiń nemese shalǵaı aýyldyq eldimekennen oblys ortalyǵyna kelýdiń qajeti joq. Búginde barlyq emdeý mekemelerinde bar qurylǵylar halyqqa táýlik boıy, úzdiksiz qyzmet kórsetýde. Koronavırýs indetine shaldyqqan naýqastardyń aýrý deńgeıin anyqtaıtyn kompıýterlik tomografııa qurylǵylarynyń 8-i memlekettik, 10-y jekemenshik medısınalyq ortalyqtarda ornalasqan.